యుద్ధం చేసి అలిసిపోయినట్టూ చతికిల పడ్డారేం

అంతా అయిపోయినట్టూ
యుద్ధం చేసి అలిసిపోయినట్టూ చతికిల పడ్డారేం
దిక్కులు చూస్తున్నారేం
తెగ ఆయాసపడి పోతున్నారేం
ఇంకా అసలు యుద్ధం మొదలవ్వ లేదు
ఆకాశంలో అక్కడక్కడా మేఘాలు కూడుకుంటున్నాయి
భూమి పొరల్లో చిన్నగా జ్వరం మొదలయ్యింది

అక్కడో మెరుపూ ఇక్కడో మెరుపూ కాస్త ఆశను కలిగిస్తున్నాయి
అక్కడో చుక్కా ఇక్కడో చుక్కా

కనపడీ కనపడనట్టు చీకట్లో దోవని చూపిస్తున్నాయి
అంతా అయిపోయినట్టు
సమస్తం సాధించినట్టు విశ్రాంతి తీసుకుంటున్నారేం కాళ్ళు బార్ల చాపి
వీపు సంసారం గోదాకానించి సుఖనిద్ర పోతున్నారేం
కాస్త ఊపిరాడక పొయ్యేసరికి
జెండాలన్నీ చుట్టచుట్టి చంకనబెట్టి
'తునా బొడ్డుమ్బాల్' అని చేతులెత్తేశారేం
ఆవిరికమ్మి చెమట పట్టటం మొదలయ్యేసరికి
రాసుకున్న ఎర్రరంగు కరిగిపోవటం మొదలయ్యింది
యుద్ధం చేసినట్టూ
విజయం సాధించినట్టూ
జయకేతనం ఒక అట్టముక్క ముక్కుకి వేళ్ళాడేసుకుని
బజార్లన్నీ ఊళ్ళన్నీ దేశాలన్నీ కలియదిరుగుతున్నారేం
ఇంకా యుద్ధం మొదలవ్వలేదురా - నాయనా
ఇప్పుడిప్పుడే కాస్త యుద్ద వాతావరణ మేర్పడుతోంది
పిండదశలోనే బిడ్డను కన్నంత శ్రమపడుతున్నారేం
వర్శమొచ్చే సూచనలున్నాయి - రా - బయటికి - రా
-- కే.శివారెడ్డి 8 October 1987

జై తెలంగాణ జై జై తెలంగాణ

శ్రీనివాస్ రెడ్డి కొంపల్లి

దాకట్ మారట్ రే దాదా కొమురంబీమన్ జయన్ కటూ

దాకట్ మారట్ రే దాదా కొమురంబీమన్ జయన్ కటూ
దాకట్ మారట్ రే దాదా
కొమురంబీమన్ జయన్ కటూ
కోయ దాదన్ జయన్ కటూ
గోండు వీరన్ జయన్ కటూ
అడివిల ఎసుంటి పట్టి కట్టమని
అదిక శిస్తులకు ఎదురు నిలబడి
నాయక్ పోడు పరదాన్ కోసం
కొలాము తోటి గోండుల కోసం
బూమికోసమని బుక్తి కోసమని
అయుదమేత్తి సాయుధుడయినా
గోండు వీరునికి జయన్ కటూ
ఎండవానలు ఖాతరు చేయక
కొండకోనలా జనులను కలిసి
అన్నం పెట్టె అడవి గుండెలో
అగ్గిని ఆర్పగా అయుదమేత్తి
నిజాం సైనికుల నిలువనియకా
గెరిల్ల పోరుని గిర గిర తిప్పిన
కొమురమన్నకు జయన్ కటూ
కాగడ కాంతికి జయన్ కటూ
కడుపు కూటికని కొండలకొచ్చి
లుచ్చ దందలతో లూటి చేసి
మేకలు కోళ్ళు సారకు మరిగి
ఆడవాళ్ళ నరిగోస పెట్టుతూ
సాగు బూమిపై హక్కు దక్కదనే
హర్రం కోరుల అంతు జూడగ
అన్న కొమురముకు జయన్ కటూ
అగ్గి పిడుగుకు జయన్ కటూ
కట్టుబాట్లను కాలరసేర స్వ్చాకోసమై ముందుకొచ్చేర
కత్తితో కంటం ఉత్తరిచ్చినా
నమ్మిన న్యాయం అమ్ముకోనని
పేదల రాజ్యం కోసమే ప్రాణం
బావితరాలకు బలి చేస్తాననే
కొదమ సింగముకు జయన్ కటూ
కొమురం భీముకు జయన్ కటూ

ఆత్మార్పణ లింకొద్దురా

ఆత్మార్పణ లింకొద్దురా
బలిపీఠ మెక్కవద్దురా.., ఆత్మార్పణ లింకొద్దురా...
త్యాగాల చరిత మనదిరా, పొరాడి గెలువసాగరా
జై తెలంగాణ-జై తెలంగాణ, జై తెలంగాణా
"బలిపీఠం"-------
శ్రీకాంత్ దేహమెందుకు, పెనుమంటలల్లో కాలెను
పోలీస్ కిష్టయ్య తన ప్రాణ మెందుకిచ్చెను
మల్లేషం మంజులలు భార్యభర్తలయ్య
మూడు పదులు దాటిన ప్రేమ ముర్తులయ్య
ఎన్నేండ్లు వేదనంటూ, మాగుండె కోతనంటూ
ప్రశ్నించెవారి మరణం ఇక మిశ్రమించలేము
సలాం అమరులారా-సలాం అమరులారా
సలాం అమరులారా ........
"బలిపీఠం"-----
డిసెంబర్ తొమ్మిదొక, చీకటి రోజందుమా
పదకొండు గురి త్యాగపు, వెలుగు రేఖ లందుమా
విశ్వవిద్యాలయాల విద్యర్థుల పిడికిల్లు
వీధులన్ని అట్టుడికిన ప్రజా పోరు కెరటాలు
ఉరికొయ్య తీగవద్దు, పోరాటమాపవద్దు
పార్లమెంటు బిల్లుదాక, సల్లారదు మాకాక
సలాం అమరులారా-సలాం అమరులారా
సలాం-అమారులార......
"బలిపీఠం"
జై తెలంగాణ..!
జై జై తెలంగాణ...!

ఉరికే ఉరుకుల ఉద్యమ స్వరమా

ఉరికే ఉరుకుల ఉద్యమ స్వరమా
ఉరికే ఉరుకుల ఉద్యమ స్వరమా ఆ పరిమళం..
నేస్తమా, నీ ప్రాణం చేయకుమా ఇక బలిదానం..
తడుమును మమ్ముల..తడి ఆరని నీ తొలి స్వప్నం..
చితికే బ్రతుకుల చివరి పోరాటం..
ఆరని మంటల బ్రతుకొక ఆరాటం..
యేమో యేమయ్యిందో..
రాజీపడని నీ ధైర్యం..
యేమో యేమయ్యిందో..
వెనకకు తగ్గని నీ స్థైర్యం..
లేమా.. నీ వెనుకా.. లక్షలు కోట్లుగ మేమంతా..
రామా... కదలి రామా .. నీ అడుగున అడుగై మేమంతా..
ఒక్కొక్కటైన ఆశలన్నీ వెలగాలింక జ్యోతులుగా..
కన్నీళ్ళ రోజులు పోయి రావాలింకా తెలంగాణ..
చూడవా ఓ నేస్తం మాతోటీ నీ ఆశల స్వప్నం..
మానుకో, ఆపుకో నీ అంతిమ యత్నం..
ఆగవా.. వినవా.. ఒకసారీ మా విన్నపం..
చేద్దాం,.. సాధిద్దాం.. మన కలలన్నీ సాధిద్దాం..
రేపటి రోజులు మన వాడల్ల వెలుగులనే ఇక చూద్దాం..
నేస్తమా నీ ప్రాణం..
చేయకుమా ఇక బలిదానం..

తెగించి పోరాడు గాని ఆత్మహత్యకు తెరదించకురా.

తెగించి పోరాడు గాని ఆత్మహత్యకు తెరదించకురా...

నీకోసం ఈ తెలంగాణ నీ వాళ్ళ కోసం ఈ తెలంగాణ
నువ్వే ఓడినంక ఇంకేవాడికి రా ఈ తెలంగాణ
నువ్వే నీరు గారి పోతే... నీ తమ్ముల కల నీరు గారెరా...
ఇట్లా ఒక్కొక్కడు పోతుంటే తెలంగాణ సైన్యం లో
ఇంకెట్ల వొస్తది రా నువ్వు కోరుకున్న మన తెలంగాణ...
నీలాంటి వీరులు మా పాలిట కన్నీరు కాకూడదు
తెలంగాణ పోరు బాట ఇది కాదుర తమ్ముడా...
తెగించి పోరాడు గాని ఆత్మహత్యకు తెరదించకురా...


ఆత్మాహుతి సమిధలు కాదురా...
అలుపెరుగని వీరులు కావలి...
అమ్మ నాన్న అన్నదమ్ముల కోసం
తెలంగాణ సాధించే ధీరులు కావలి...
దిగమింగలేని దుఃఖం మిగిలించే దీన స్థితి మనకొద్దురా...
నీ లాగ నేను చెయ్య... ఇంకోడిని చేయ్యనియ్య...
నీ బాటల నేను రాను... ఇంకోడిని రానియ్య...
తెలంగాణ పోరు బాట ఇది కాదుర తమ్ముడా...
తెగించి పోరాడు గాని ఆత్మహత్యకు తెరదించకురా...

జగొర్ తెలంగాణా

Yadanna Telangana amaruni heart touching poem

అతడొక అమరవీరుడు అంటారు కొందరు..
కాదు పిరికి వాడంటారు ఇంకొందరు..
అదొక తొందరపాటు చర్యంటారు కొందరు..
నేను సైతం
రేగుతున్న విప్లవానికి సమిధనొక్కటి ఆహుతినిచ్చాను అంటాడు అతడు..
అమ్మా లేదు, నాన్న లేడు, వాడు చస్తె ఎంత అన్నట్టు ఆంధ్ర నాయకులు..
ఎవరన్నారు..
4 కోట్ల బందువులున్నం యాదయ్యని యాదికి తెచ్చుకోనికి..
మేనమామ అన్నడు ఈడ్నే పంజూస్కో కొడుకా అని..
ఇదే నా పనన్నడు..
ఇందుకోసమే నేను పుట్టిన అన్నడు..
ఎవరేం చెప్తె అది నమ్మిండు..
చిరంజీవి చెప్పిండు జై తెలంగాణ అని..
యాదయ్య జై చిరంజీవి అన్నడు..
చంద్ర బాబు చెప్పిండు జై తెలంగాణ అని..
తమ్ముడు జై చంద్ర బాబు అన్నడు..
అమరుడైన తెలంగాణ బిడ్డ ఇంద్రన్న ఆశయాల సాధనకోసం పంచేస్త అన్నది సబితమ్మ..
తమూడు జై సబితమ్మ అన్నడు..
చివరుకు యాదన్న కలల సాకారం తెలంగాణాచ్చింది..
యాదన్న దండం పెట్టిండు… మీరంత నా దేవుల్లన్నడు
---------------------------------------------------------------
కని ఇంటి గుమ్మంలనే చిరంజీవి చెప్పుదెబ్బ కొట్టి పంపిండు ..
తెలంగానేందిరా నీ అబ్బ సొత్తా అని..
చంద్ర బాబు దగ్గరికి పొయిండు..
యే లే ఉత్తగనే అన్న కని ప్రబుత్వం గిట్ల తెలంగాణ ఇస్తదని అనుకోలె..
మనం సమిష్టి పంచేసి స్వర్నాంధ్ర చెయ్యాలె గని తెలంగానేంది తమ్మి అన్నడు..
నాలుగు వాతలు పెట్టి పంపిండు..
సబితమ్మ దగ్గరుకు పొయిండు కొండంత ఆశతోని..
తమ్ముడూ ఇగో నా చేతిల యేం లేదు..
ఆల్లెంత చెప్తె నేను గంతే..
ఇంతల పోలీసొడొకడచ్చి తెలంగాణ పేరెత్తంగనే యాదన్నని కుల్లబొడుసుడు మొదలుపెట్టె..
ఒక్కడ్ని చేసి పోరన్ని కుక్కలెక్క కొట్టి రబ్బరు బుల్లెట్ల తోని కాల్షిండ్లు..
సబితమ్మ మొత్తం చూశి అరె ఎంత పనైపాయె..
పాపం గట్ల కొట్టకున్లి పోరన్ని అని కూడ అన్లే..
మొత్తం కొట్టుడయినంక సారీ చెప్పున్లి పపం దెబ్బల్ తిన్నడు బాగ అంటె
పోలిసోల్లకి జరంత ద్యాసచ్చి సారి చెప్పి పంపిన్లు..
ఫోన్ తీషిండు యాదన్న..
ఎవరికన్న చేద్దామని..
అమ్మా, నాన్నల్లేని అనాధ..
తెలంగాణె తల్లై, పోరాటమె తండ్రై బతుకుతున్న ఓ అమాయక విద్యార్థి..
ఎమ్మెల్యేలకు ఫోన్ కొత్తి అడిగిండు..
అన్నా గిట్లైంది..మీరు రాజినామ చేషి నిరసన చెయ్యాలె..
అరె జరంత ఉండు తమ్మి …
మనం పవర్ల ఉంటెనే ఎమన్న చేస్తం అని కట్ చేసిండు ఎమ్మేల్యే సాబ్..
----------------------------------------------------------------
ఫోన్ల సిం కార్డు తీశి ఔతల పడేషిండు యాదన్న..
గా దేవుల్లందరితోని దిగిన ఫోటొలు సంచిల పెట్టుకున్నడు…
ఎవరన్న కనిపిస్తె అడుగుదాం నేనేం తప్పు చేశిన గిట్ల శిక్షిస్తున్లు నన్ను అని..
ఎవ్వరు దొరకలే..
దెబ్బలాగుతలేవు..
బొబ్బలు తగ్గుతలెవ్వు…
తిన్న దెబ్బల గాయాలు, వాతల బాధలు సలుపుతున్నయ్..
పోరడు అస్తిత్వం కోసం బయలు దేరిండు..
తెలంగాణ ఎవ్వరు తెస్తేంది తేకుంటేంది అని
ఒంటరిగ బయలు దేరిండు..
వీధి వీధి వాడ వాడ వాడే..
ఉస్మానియా లాటీ చార్జిల వాడె..
గర్జనల్ల వాడె..
ఉప్పెనై, పెను తుఫానై వాడె..
ఎక్కడ సూషిన వాడె..
వాడు రగిలించిన విప్లవం రాష్త్రమంత అలజడి రేపింది…
సుడిగాలిలా మారి వడగాలిని రేపుతుంది..
రాజకీయ సంక్షోభం యేర్పడ్డది..
వానికి తోడుగ వేల గొంతుకలు..
అనాధని ఎవరన్నరు…
మతిలేనోడె అంటడామాట…
సమైక్య ప్రపంచం దద్దరిల్లింది..
అతలకుతలమయ్యింది..
పక్క దారిన దొంగ మాటు వేసింది వాడి హ్రుదయం మీద..
వాడి మనసులొ అలజడి రేపింది..
మానసిక సంక్షోభాన్ని లేపింది..
వాడిని నిలువునా తగులబెట్టింది..
ఆ మంటల్ల కాలుతున్న తెలంగాణ ఆత్మాభిమాన ఆర్తనాదాన్ని చూసి వికట్టట్టహాసం
చేసింది..
కొన్ని ప్రష్నలు..
ఇంతకీ యాదన్న మనిషేనా..
లేదంటె తెలంగాణ అస్తిత్వం మానవ రూపం దాల్చిందా..
లేదంటె ఆ మంటల్ల మా దైన్యం, నిస్సాహయతని ఎత్తి చూపుతుందా..
లేదంటె తనకు సాయం రాని సంఘం అసమానతలని తట్టి లేపుతుందా..
లేదంటె కలుతున్నది స్సమానత్వ అప్రజాస్వామ్యమా..
లేదంటె గాయపడ్డ తెలంగాణ తల్లి నిత్యక్షోభ ఆర్తనాదమా..
లేదంటె దగాపడ్డ నా ప్రజల ఓటమా..
ఇంతకీ యాదన్నని సంపిందెవరు???
----------------------------------------------------
ఏమో మరి..
ఇన్ని ప్రష్నలకి సమాధానం దొరకక సతమతమవుతుంటె..
పిరికి చర్య అంటడేందో మరి చంద్ర బాబు..
ఎమో మరి..మీకే తెల్వాలె..
జగమెరిగిన జగన్నాటక సూత్ర ధారులు…
నీటముంచినా, నిలువునా కాల్చినా
మీ మాటే మా వేద మంత్రం..
మీ సమైక్యతా, అభివ్రుద్దే మా అంతిమ ధ్యేయం..
మీ కాలి కింద చెప్పులం..
నాలుగు కోట్ల అనాధలం..
సీమాంధ్రప్రదేష్ సమైక్యాంధ్ర సాక్షిగా
వెయ్యి కాలాలు బాగుండాలె..
మీరు, మీ పిల్లలు అందరూ సల్లగ ఉండాలె..
మీ పొలాల్ల మా నీల్లు కలకాలం పారాలె..
మీరందరు మా జాగల్ల సుఖం గ ఉండాలె..
మీ పోరగాల్లందరికి ...