కుంభకర్ణ అవతారమా … ఓ కేంద్ర ప్రభుత్వమా

కుంభకర్ణ అవతారమా … ఓ కేంద్ర ప్రభుత్వమా


———————————————-



కలికాల కుంభకర్ణ అవతారమా … ఓ కేంద్ర ప్రభుత్వమా

మరుగుతున్నది చూడుమా … రాష్ట్రం నేడు మలిదశ ప్రత్యేక ఉద్యమాన

మాట ఇస్తివి మడమ తిప్పకుమా …మత్తు వదిలి మార్గం చూపుమా



ప్రత్యేక రాష్ట్రం ఆవశ్యమని తలిస్తివి

పార్లమెంటున ప్రకటన చేస్తివి

ఎవరి సొమ్ము తిని గమ్మున ఉంటివి

ఏ వ్యూహం పన్ని మౌనం వహిస్తివి ??



నీ మౌనం మారణాయుధమై మరణ శాసనం లిఖిస్తుంటే

మండిన గుండెలు సహనం చచ్చి సజీవ దహనం అవుతుంటే

నీ మనసు గెలుసునవి బహుమతులే గనుక అయితే ….

కాలిన కళేబరాలే కానుకలుగా ఇద్దుము

కాలయాపన చేయక కళ్ళు తెరువుమా ..

కుంభకర్ణ అవతారమా .. ఓ కేంద్ర ప్రభుత్వమా !!



ఇల్లు గుల్లై ఒళ్ళు కాల్చుకుంటుంటే

ఓట్ల కోసం పొత్తుల ఎత్తుల ఆటలడుతున్నావ్

మలిన రాజకీయ ‘విలీన’ షరతులు విధిస్తూ

విద్యార్థి భవితను వీధి పాలు చేస్తున్నావ్

ఇది వికృత చేష్టల పరాకాష్ట కాదా … ప్రజా ఆకాంక్షలకు పాతర కాదా ??



ప్రజా ఆవేదన అరణ్య రోదన అవుతుంటే

ప్రజాస్వామ్యం పరిహాస మవుతుంటే

ప్రభుత్వమే జడత్వం మై ..పాలకులే ప్రేక్షకులై

పరిష్కారం తెలుపకుంటే ….



ఉద్యమాలే ఉరితాడులై నీ ఊపిరి తీసును తెలుసుకోనుమా …

మేలుకొని రాష్ట్రమిచ్చి మా మదిని ఏలుకొనుమా..

కుంభకర్ణ అవతారమా … ఓ కేంద్ర ప్రభుత్వమా !!



—- సుధీంద్ర భార్గవ

పాదపాదాన పరిపరి దండాలు..Allam Narayana

పాదపాదాన పరిపరి దండాలు..
చాకలి శ్రీనివాస్ గెలిచాడు. ధర్మపురి శ్రీనివాస్ ఓడిపొయ్యాడు. ఉప ఎన్నికల్లో చాకలి శ్రీనివాస్ అభ్యర్థికాడు. ఇప్పుడు తన గెలుపును తాను ఆస్వాదించడానికి ఈ భూమ్మీద కూడా లేడు. మరణానంతర మెరుపు నక్షత్రం అతను. తెలంగా ణ కోసం విరిసిన తార అతను. డీ.శ్రీనివాస్ అనే ప్రదేశ్ కాంగ్రెస్ కమిటీ అధ్యక్షునికి చాకలి శ్రీనివాస్ ప్రత్యర్థీ కాడు.

కానీ డీ. శ్రీనివాస్ మందూ, మార్బలాన్ని, నోట్లకట్టలను, రెండుముఖాలను, ఆడి తప్పిన అబద్ధాల పుట్టను..మొత్తంగా ఎలక్షనీరింగ్ అనే సవాలక్ష అక్రమాల గనులను బద్దలు కొట్టి గెలిచాడు చాకలి శ్రీనివాస్. వరంగల్‌లో మిర్యాల్‌కార్ సునీల్‌కుమార్ గెలిచాడు. అతనొక జర్నలిస్టు. తెలంగాణ కోసం నిలువునా ప్రాణం తీసుకున్నా డు సునీల్. రాయరాని, రాయలేని, రాయజాలని వార్తల కోసం మరణించిన సునీల్ గెలిచాడు.

అతని ఆత్మ మళ్లీ ఒకసారి వరంగల్ జిల్లా మీద తెలంగాణ మనసుగా.. ఏకాత్మగా వెలుగుతున్న ది. పేర్లెందుకు? ఒక శ్రీకాంతాచారి, ఒక యాదయ్య, ఒక సాయికుమార్ మీగడ, ఒక సవేరా బేగమ్.. శిల్పాల మీద చెక్కాల్సిన నాలుగువందల మంది పైబడిన తెలంగాణ ఆకాంక్షలు వాళ్లు.. మరణానంతర విజయ సోపానాలు వాళ్లు.. ఎన్నికల విజయా లు.. మన దేశపు భ్రష్టుపట్టిన 'ఎలక్షనీరింగ్ ప్రలోభాల వల్ల కురచవి. తాత్కాలికమైనవి. అంతిమ పరిష్కారాల సాధనలో ఉపయోగపడనివి.

అలాంటి కురచ విజయాలను మహా శిఖరంలా మలిచిన వాళ్లు తెలంగాణ ప్రజలు. ఏమివ్వగలం..వారికి.. తెలంగాణ తప్ప. ఒక భ్రష్టుపట్టిన ఎన్నికల రూపాన్ని కూడా టీఆర్ఎస్, బీజేపీ దుమ్మురేపడానికి.. కాంగ్రెస్, టీడీపీ దిమ్మ తిరగడానికి అస్త్రంగా మలుచుకున్నారు తెలంగాణ ప్రజ. ఏకాత్మను అంగీకరిస్తామా? లేదా? అవునిది ఏకాత్మే.. హూ ఈజ్ అరవిందరెడ్డి.. తెలంగాణ తేల్చుకు రమ్మని, సైరనూది సమర రంగాన కదను తొక్కకముందు.. అరవిందరెడ్డి టీఆర్ఎస్‌తో గొడవలో ఉన్నాడు.. కేసీఆర్ అతనికి ద్రోహిగా కనబడ్డాడు. వై.ఎస్. దేవుడి గా దర్శనమిచ్చాడు.

ఇవ్వాళ అరవిందరెడ్డి మెజారిటీ డెబ్భైఏడు వేలా.. ఎవరు గెలిచారు. మంచిర్యాల్ గెలిచింది. మంచిర్యాల్ నిలిచింది. చరిత్రను తిరగరాస్తున్నది తెలంగాణ. ఒక ముసల్మా ను కాషాయ వర్ణపు భారతీయ జనతా పార్టీ జెండా పట్టుకొని జైతెలంగాణ అంటూ యెండల లక్ష్మీనారాయణ గెలుపు కోసం దూలాడినట్టు.. దుంకినట్టు ఎగరడం ఊహించగలరా? నిజామాబాద్ విజయగర్వం చూడండి. దేనికి సూచన ఇది. మతం లేదు. కులం లేదు. నోట్ల కట్టలు లేవు. మందు లేదు. బ్రాందీ లేదు. వాగ్దానం లేదు.

వాగాడంబరం లేదు. ఐసు ఐసు పథకాలు లేవు. నైసునైసు మాటలు లేవు. ఒకటే ఉనికిలో ఉంది. ప్రజల మనసు ల్లో.. లోపలి పొరల్లో.. ఇంకిపోయింది తెలంగాణ. పాతుకున్నది తెలంగాణ. కొప్పుల ఈశ్వరా? కావేటి సమ్మయ్యా.. చెన్నమనేని రమేశా? కల్వకుంట్ల తారకరామారావా? తన్నీరు హరీష్‌రావా? వినయ్‌భాస్కరా? ఈటెల రాజేందరా? ఏనుగు రవీందర్‌రెడ్డా? నల్లాల ఓదెలా? ఎవరైతేనేం విజయానికి ఒక ప్రతిమ కావాలి. విజయానికి ఒక రూపు కావాలి. విజయానికి ఒక పేరు కావాలి.

నిజమే హరీష్ హుర్రే.. హుర్రే.. తొంభైయిదు వేల మెజారిటీ. అదీ చరిత్రే. అతను, ఈటెల రాజేందర్ మంచి ఎమ్మెల్యేలు కూడా కావొచ్చు. అయినా మరీ అంత ఏకపక్షం ఎలా సాధ్యం.. నాలుగు వందల మంది అమరవీరుల బలిదానాలకు అంకితమిచ్చిన హరీష్‌రావు, ఈటెలల విజయం తెలంగాణ ప్రజల విజ యం. చనిపోయిన వారి ఆత్మలు మేల్కొనడమంటే ఇదే.. వాళ్ల ఆత్మలు ఆకాంక్షలై ప్రతిఫలించడమంటే ఇదే.. నలుగురు వెలమదొరలు ఒకేవాహనం మీద ఎక్కి ఎములాడల, సిరిసిల్లల తిరిగి ఎన్నికల ప్రచారంల మాట్లాడి నిలిచి.. గెలవడం ఎట్లాసాధ్యం.

అది సిరిసిల్ల.. అది జగిత్యాల. అయినా సాధ్యమే. తెలంగాణకు ఇప్పుడు ఏ ఎజెండా లేదు. ఒకే ఎజెండా.. విద్యాసాగర్‌రావు, రమేష్‌రావు, తారకరామారావు, చంద్రశేఖర్‌రావు ఎవరైతేనేం? వాళ్లే తెలంగాణ ఆత్మలను ఆవాహన చేసినంత కాలం గెలుస్తా రు. మరో మాట లేదు. ఉన్నదొకటే ఎజెండా? దొరలు .. తర్వా త.. ముందు మా తెలంగాణ మాగ్గావాలె.

మతం తర్వాత మా తెలంగాణ మాగ్గావాలె. కులం తర్వాత మా తెలంగాణ మాగ్గావాలె.. యథా ప్రజ .. తథా రాజ.. రాజులారా! ఇక తెలంగాణల ఇదే నిజం.. ప్రజలున్నట్టు మీరుంటేనే భూమ్మీద మీకు నూకలు..లేదంటే మీకు నూకలు చెల్లు.. నిజమే సర్వ అవలక్షణాలనూ తెలంగాణ ఓడించింది. బాబ్లీ ఎందుకంటావో? తెలుసు.. బాబ్లీ వెనువెంటనే మీరు తెచ్చిన తెలుగు జాతి ఆత్మగౌరవం ఎంత ప్రమాదకర నినాదమో తెలుసు. ఇరవై ఎనిమిది ఏండ్ల క్రితానికి, ఎన్టీఆర్ కాలానికి వెళ్లడానికి సిద్ధంగా లేదు తెలంగాణ.

ఆత్మగౌర వం ఒకమాయ. అదొక అబద్ధం. నిజమే బాబ్లీ అన్యాయమే కావ చ్చు.. కానీ ఆ తర్వాతి తెలుగుజాతి ఆత్మగౌరవం తెలంగాణ గౌర వం పీకనొక్కి న క్రితం ఒక చేదు జ్ఞాపకం. ఎంత విజ్ఞత తెలంగాణది. తెలుగుజాతి ఆత్మగౌరవ అసలు అంతరంగ స్వభావాన్ని బీజరూపంలో పసిగట్టిన సిస్మొగ్రాఫ్ తెలంగాణ. ఇప్పుడు అది రాబోయే పెను ముప్పును కనిపెట్టగలదు. రెండు కళ్ళ సిద్ధాంత కర్తల అసలు దృష్టినీ, అవతారాన్నీ కనిపెట్టగలదు. డిపాజిట్లు గల్లంతవుతాయి జాగ్రత్త.. ఇక చెల్లదు.

ఇది గుర్రం ఇది మైదానం. అటా.. ఇటా.. ? ఎటో ఒక దిక్కే.. తొమ్మిదో తారీ ఖు గీటురాయి. నువ్వేం మాట్లాడ్తున్నావో? బాబ్లీ అనంతర ఆత్మగౌరవం ఎవరిదో .. పసిగట్టింది తెలంగాణ. డీ. శ్రీనివాస్ బంగా రు పళ్లాన్ని నమ్మలేదు తెలంగాణ.. చెన్నారెడ్డి బంగారు పళ్లెంలో పెట్టి మున్నూటా డెబ్భై మంది తలలను ఇందిరాగాంధీకి సమర్పించిన ద్రోహం.. ఎక్కడ మళ్లీ ప్రారంభమవుతున్నదో పసిగట్టింది తెలంగాణ. మహా ఉద్యమ అనంతరం ..మహా ఊరేగింపుల అనంతరం.. మహా జనసాగరాల అనంతరం.. ఒకే ఒక్క మాట.

తెలంగాణ. నిజమే.. తెలంగాణ కోసం మరణించిన ఒక కొడుకు కోసం పరితపించే ఒక తల్లికి ఈ విజయాల పూలహారం. ఆ అమ్మకిప్పుడు నాలుగు కోట్ల మంది కొడుకులు, కూతుళ్లు. తెలంగాణ కోసం వాళ్లు నిలబడ్తున్నారు. ఇస్తమని ఇవ్వరు. తెస్తమని తేరు. శవాల మీద పడి ఏడ్చిన వాళ్ళు కన్నీరు ఇంకక ముందే కల్లబొల్లి కబుర్ల కాకారాయుళ్లవుతరు. అందుకే.. బహు పరాక్.. బానిసకొక బానిసకొక.. బానిసలోయి బానిసలయిన తెలంగాణ ప్రియనేతలా రా! కాంగ్రెస్ మసిబూసి మారేడు కాయ చేస్తే.. ఇచ్చిన మాట తప్పితే బండకేసి కొడ్తది తెలంగాణ.

రెండు కండ్లు..మూడు నాల్కలు.. ఐదు ముఖాలు.. ఆరు ఆత్మగౌరవాలు చెల్లవు గాక చెల్లవు.. తెలుసుకోండి..మేల్కొన్నది తెలంగాణ.. నిజమే.. పన్నెండు సీట్లతో తెలంగాణ రాదు. మరో పన్నెండు సీట్లతో రాదూ పోదు. కానీ.. చరిత్ర నిండా.. కాలం నిండా.. తెలంగాణ ప్రతి మలుపులోనూ.. ప్రతి సందర్భంలోనూ.. తెగేసి చెబుతున్న ది.

నిలేసి అడుగుతున్నది. నీళ్లు నమలకు.. మరో మాట లేదు. ఇది తెలంగాణ ప్రజల విజయం. నిలబడి, కలెబడి నిలిచి గెలిచిన తెలంగాణ రేపటి పొద్దు తెలంగాణలోనే.. లేదా.. బానిస నేతలకు పుట్టగతులు లేవు.. మరి రావు.. మరోసారి.. మరోసారి. ఈ గడ్డమీద పుట్టిన ప్రజలకు.. ఈ గడ్డ కోసం ప్రాణాలను తృణప్రా యం చేసుకున్న వీరులకు ... వినమ్రంగా పాదపాదాన.. పరిపరి దండాలతో... హేల్ తెలంగాణ.. హేల్.. తెలంగాణ పీపుల్..

క్షతగాత్రం... Allam Narayana

క్షతగాత్రం...
అంతా బాగానే ఉన్నట్టుంటుంది. మబ్బులు చెదిరినట్టు.. పొద్దు పొడిచినట్టు.. సూర్యకిరణంలా ఆశ వెలిగినట్టు.. ఆశను ఎలాస్టిక్‌లా సాగదీసినట్టు..కొద్దిసేపే.. జయం.. విజ యం.. మత్తింకా వదలక ముందే.. మళ్లీ ముసురు. మళ్ళీ రాజకీయ మబ్బులు. మళ్ళీ కమ్ముకునే చీకటిలాంటి దుర్భేద్యమైన అజ్ఞానపు, అహంకారపు రాజకీయ మాటల మూటలు.. తెలంగాణను రానివ్వరనే కంటే అనైతికంగా అడ్డుకునే వారెవ్వరనేదే అసలు ప్రశ్న. హేతువుకు అందకుండా, తార్కికతకు తావు లేకుండా.. బుర్రలో పుట్టిన బుద్ధి కొలమానాల అంచనాలు.

విశ్లేషణలు. ఆరోపణలు. అవహేళనలు. ఎకసక్కాలు. మళ్లీ ఎవర న్నా పిరికిపందలు ఆత్మహత్య చేసుకుంటే.. భయమేస్తున్నది ఇషాన్.. నువ్వొక పిరికి పందవి.. మైసమ్మకు మేకల్ని బలిస్తారు. నువ్వొక అమాయకపు మేకవి. నిన్ను నువ్వు బలిచ్చుకోవడానికి ఏం మిగిలిందని? ఎవడి గెలుపు కోసమో? ఎవడి ఓటమి కోస మో.. బావుల్లోకి ఉరుకుతున్న వాడా.. నువ్వొక బలిమేకవి.

నీది ఆత్మహత్యా! బహురూపుల రాజకీయ నేతలు చేసిన హత్యా! ఇషాన్ .. నీ శవం ముందు భీకర ప్రతిజ్ఞలు, కన్నీళ్ళు, వేదన, ఉక్రోశ, ఆక్రోశాలు.. కమ్ముకున్న దిగులు. మీ అమ్మ అట్లాగే ఉంది. దిగులు గూడులా.. మూటలా పడి ఉన్న నిలువు దుఃఖం మీ అమ్మ. ఏం చెబ్తావ్. ఇషాన్. తెలంగాణలో పుట్టిన వాడివి కదా. మాటలకు తూటాలు తొడిగే నేల మీద పడిన వాడివి. పారాడిన వాడివి కదా. బతుకు అంటే నిత్య సంక్షోభం, అనునిత్య పోరాటం అనే చోట కన్ను తెరిచిన వాడివి కదా. కొన్ని శవాలు.

కొన్ని ఛిద్రమైన కలలు. కొన్ని భావుకతలు. ప్రపంచ జ్ఞాన నేత్రం కూడా తెరుచుకున్న వాడివి కదా. ద్రోహులెవరో? తెలుసు. హంతకులెవరో తెలుసు. ఏ తీపి మాటల వెనుక ఎంత విషం ఉందో? తెలుసు. ఏం చెయ్యాలో ? తెలుసు. బాబ్లీ డ్రామాలు కనిపెట్టిన వాడివి. పోలవరం డ్రామాలతో పోదు. నిలబడి నిజపోరాటం చెయ్యమని కోరిన వాడివి. జ్ఞానం ఉన్న వాడివి. ఇషాన్. నిన్నిక కీర్తించలేను. ఆత్మహత్య నైతికతల ప్రకారం, అలౌకికతల ప్రకారం మహాపాపం. ఆత్మహత్య ఒక చేతగాని , చేవలేని, బలహీన మనస్కుడి అంతరంగ కల్లోలం. తెలిసి తెలిసీ, ఆత్మహత్య చేసుకున్నందుకు జీవితకాలం నిన్ను క్షమించలేను. కీర్తించలేను. అమరుడివన లేను.

వీరుడవనలేను. క్షమించు ఇషాన్. నీ కోసం మీ అమ్మ లాగే నేనూ రెండు వెచ్చటి కన్నీటి బొట్లు వదలగలను. కానీ.. అసహాయంగా నీ దేహం ముందు నిలబడి నిలువు శోకంలా .. నువ్వు మీ పెదనాన్ననీ, చిన్నాననీ.. నీ బాపునీ మోసం చేశావు. లౌకికతల ప్రకారం ఆత్మహత్య పిరికిందల చర్య. నిజమే. నీ తర్వాత కొంత పరంపర. రోజూ రెండూ మూడూ .. సంఖ్యలు భయపెట్టే సందర్భం. అంకెలు భీతి గొల్పే సమయమిది. నిజమే. మరు నిమిషంలోనే విజయాన్ని అవహేళన చేసినప్పుడు నారా జ్ అవుతాం. వాళ్లు కోరిన పరిధిలోనే.. వాళ్లు పెట్టిన షరతుల పరిధిలోనే. వాదం ఉంటే. గెలిచి చూపించమన్న పరిధిలోనే . నిలబడి గెలిచి చూపేదే అసలు తెలంగాణ.

ద్రోహ చింతన ఒకరిదని కాదు. చిదంబరంది. కేంద్రానిది. సోనియా గాంధీది. మాయమాటలు చెప్పే తెలంగాణ కాంగ్రెస్ నేతలది. అడ్డగోలు వాదన లు చేసే సీమాంధ్ర కాంగ్రెస్ నేతలది. రాజీనామాల అనంతరం గోసులు ఎగబోసుకుంటూ పోటీకి దిగిన భారీ కాయాల.. అంగుష్టపు బుద్ధులది. మెదడు నిండా ఒకే ప్రాంతపు అధిపత్యం. కళ్లల్లో రెండు నిలువు నాటకాలు.

అంగుట్లో అలవాటైన పచ్చి అవకాశ వాద పరిభాష. నిలువెత్తు మోసం. ఉద్వేగాలతో.. ఆడుకునే నీచం. నాయకుని బానిస. తెలంగాణ పోటీదారు. కన్నీళ్లలోనూ కల్మషం. ఏం చెప్పను పోటీపడి, సిగ్గులేకుండా నాటకాలాడి. తెలంగాణకు ఎదురీది.. ఎదురేగి, భంగపడ్డ బానిసల మాటలు ములుకులే. శరాఘాతా లే. అయితే మాత్రం. ఎవడు పట్టించుకుంటాడు. రుద్రభూమి నీది. ఎంత చరిత్ర చెప్పను. గెలుస్తా మా? నిలుస్తామా? సందేహాలు.. సందిగ్ధాలూ మనవి కావు. ఎక్కడ అక్రమం ఉంటుం దో, అక్కడ! ఎక్కడ అన్యాయం ఉంటుందో అక్కడ! ఎక్కడ రాజ్యం పడగ విప్పుతుందో? అక్కడ.

ఎక్కడ దోపిడీ మూలుగలు పీలుస్తుందో . అక్కడ దండోరాలు కొట్టి దండయాత్రలు చేసిన వీరభూమి మీద పడిన వాడా! పోరాటమే ఊపిరిగా ఎదిగిన నేల మీద. ఎన్ని చరిత్రలు ఎన్ని సార్లు చెప్పాలి. రక్తంలో పోరాట తత్వం ఉండాలి. రాదా! రాకపోయిన కానీ కొట్లాడు. విజయమో? వీర స్వర్గమో? ఒక నినాదం. కానీ.. ఎవరిని వారు కాల్చుకునే నిస్సహాయ, అసహాయ అవమాన సంస్కృతి ఎందుకు అబ్బింది ఇషాన్‌రెడ్డీ.. నిజమే. ఒకరు గెలిచినవి పదకొండే కదా! ఎవరివి వాళ్లకే అనవచ్చు.

నేరుగానే అవమానపరచవచ్చు. ఓటు వేయని నలభై శాతం మంది సమైక్యవాదులే అనే విదూషక రాజకీయ వేత్తా ఉండవచ్చు. పాత వాదనలను కొత్త తెరమీద కు తెచ్చి మనసును గాయపరచవచ్చు. న్యాయం ఏ పక్షం? మిత్రులారా! ఎవరి ది ప్రాంతీయవాదం! నిజ మే వెనుకబాటుతనం, ఆర్థికాభివృద్ధి, అంకెల గారడీ, నీళ్లూ, నిధులు, కాలువల మళ్లింపులు, సంస్కృతి.. చావుబతుకులు, భాష, యాస అరిగోసలు అనేకం చెప్పీ, చెప్పీ నోరు నొప్పు పుట్టి.. ఇక ఒకే ఒక మాట. ఏదీ లేదు. అసలు వాదనే లేదు.

ఒక ప్రాంతంగా విడిపోవడానికి.. ఉన్న హక్కుగామాకు తెలంగాణ కావాలె. వాదనలు బంద్. అది మీరిస్తే తీసుకొనేది కాదు. ఒక అమ్మ ఇయ్యడానికి.. ఒక అయ్య మూయడానికి తెలంగాణ దుక్నం కాదు. సమైక్యమో.. ఆంధ్రమో.. తెలుగో.. సమగ్రతో... దేశమో.. జాతో.. నీతో.. రీతో.. రివాజో..జాన్తానై. కలిసి ఉన్నాం. కుదరదనుకుంటున్నాం. అది మా ప్రాంతం మీద మా హక్కు. నక్సలైట్లో? దొరలో? దొంగలో? బద్మాషులో? దుర్మార్గులో? హంతకులో? ఎవరో ఒకరు.. ఒక ప్రాంతం స్థితి గతుల సంగ తి.. ఒక ప్రాంతం బాగోగుల సంగతి ఆ ప్రాంతానికి వదిలితేనే మర్యాద.

ఇదీ ఇషాన్.. నువ్వు చనిపోకుండా మాట్లాడాల్సిన మాట. అదే యూనివర్సిటీ లైబ్రరీముందు.. అదే ఆర్ట్స్ కాలేజీ ముంగట.. అదే యూనివర్సిటీ తారురోడ్డు మీద నెత్తురు కోలాటమాడిన వాళ్లంతా ధైర్యంగానే ఉన్నారు. జులుస్ తీసి జులుమ్‌లను ఎదిరించిన వాళ్లంతా ఇంకా మనసునిండా దట్టించిన ఉద్వేగాలతో నిలిచే ఉన్నారు. వాళ్లొక సభ అవుతున్నారు.

కదిలిపోతున్నారు. కన్నీరవుతున్నారు. కూడలిలో తమను తాము కూడగట్టుకున్న ఊరేగింపు అవుతున్నారు. ఒక కంట కన్నీరు.. మరో కంట నెత్తురు... తెలంగాణ జీవితమే అంత. అశ్రువొక్కటి ధారవోసిన త్యాగాల గడ్డ మాత్రమే కాదు. నెత్తురు చిందించిన వీరగడ్డ కూడా. ఆత్మహత్య ఎంతమాత్రం త్యాగం కాదు. ఆత్మహత్య ఎంతమాత్రం.. నీ ఆకాంక్షల సాఫల్య ఆయుధం కాదు. ఆత్మహత్యవద్దు.. ప్రియమైన పిల్లలారా! ప్రియమైన కనుపాపలారా! హంతకుడెవరు? అండమాన్‌లకు పంపాల్సిన రాజకీయ నాయకులే హంతకులు.

న్యాయం అడిగిన ప్రతిసారీ; ధర్మం అడిగిన ప్రతిసారీ.. రాజ్యాంగం ప్రసాదించిన విడిపోయే హక్కు అడిగిన ప్రతిసారీ.. బుల్లెట్లిస్తారు. సరే. భరిస్తాం. లాఠీలిస్తారు.. సరే నెత్తురోడుతాం. కానీ అబద్ధాలిస్తారు.. ఆటు మాటలిస్తారు. పోటు మాటలిస్తారు. అదే సమస్య. అదే కత్తి నేరుగా దిగనికుట్ర. పొడిచే పోటుకన్న మాయమర్మం. ఇప్పటి సమస్య.

అది కనిపెట్టి తిరిగినవాడే నేటి హీరో.. మార్మిక మంత్రాల మాయల మరాఠీ ప్రాణం దూరిన చిలకను మెడపిసక గలిగినవాడే నేటి హీరో.. కుట్రలనూ, కుతంత్రాలను ఎదిరించి నిలబడగలిగిన వాడే మొనగాడు.. వాడు వీధిలో రెండు కాళ్లు నిగడదన్ని నిలబడి నినదిస్తున్న ఆర్ట్స్ కాలేజీ విద్యార్థి..ఇషాన్ నిన్ను ప్రేమించలేను.. నిన్ను కీర్తించలేను. ఎవడు యుద్ధరంగంలో క్షతగాత్రుడయినా వీరోచితంగా నిలబడి ఉన్నాడో.. వాడికే నా వందనం.. హంతకుడు తెలుసు.. హంతకుడి మీద కత్తి ఎత్తిన వాడే కథానాయకుడు.

ఉద్యమం నీరు గారుతుంది

ఉద్యమం నీరు గారుతుంది అని ఒకడు, తెలంగాణా వాళ్ళు సల్లబడ్డారు అని ఇంకోడు
ఎవనికి ఇష్టం వచ్చినట్టు వాడు చెప్పుకుంటుంటే మరి మనం ఏమి చేద్దాం.
మనం ఎందుకు సప్పుడు జేస్తలేమో, ఎందుకు ఇంకా ఓపిక పట్టుకొని కూసున్నామో ఈ
మొండి వెధవలకు అర్థం అయితలేదు. ఇంకా ఎక్కేడెక్కడో వేలు పెట్టి గెలికి మరీ
కొట్లాటకు దిగుతున్నారు. వాడు అలా గెలికాడు కదా అని మరి మనం ఏమి
చేద్దాం.
ధరలు పెరిగాయని, కరెంటు కోతలని అదని, ఇదని ఏవేవో ఎప్పుడూ ఉండే సమస్యలను
ఎత్తి చూపుతూ ధర్నాలు, రాస్తా రోకోలు చేస్తున్నారు కొందరు. మరి ఆ
కొందరిలో మన వాళ్ళు కూడా ఉన్నారు. మరి ఇదంతా తెలంగాణ ఉద్యమాన్ని తోవ
మళ్ళించే వేరే సమస్యల మీద, ఏ ప్రాంతం ప్రజలు అయిన మాకు లేదు ఈ సమస్య అని
చెప్పలేని సమస్యల మీద ఒత్తిడి పెంచి మన ఉద్యమంలోకి నీల్లోదిలే ఈ
ప్రయత్నానికి మరి మనం ఎలా స్పందిద్దాం.
ఇలా చెప్పుకుంట పోతే రోజుకో కొత్త విషయం తో... వాడు ఎవడో గంగడోలు
నిమిరితే తల ఆడించే బసవన్నల లాగ మన నాయకులూ కూడా అన్ని మరిచి పోలో అని
ఫాలో అయిపోతున్నారు. మరి మన యువ లోకం కూడానా..?

వేరే గ్రూపులల్ల కూడా ఇదే మాట్లాడుకుంటున్నారు... మన ఉద్యమం ఏమైంది అని.
ఆలోచించండి... మన ఉద్యమం యాడికి పోలేదు. మనలోనే ఉంది. మన పనులలోనే ఉంది.
మన మాటలలోనే ఉంది. ఏమి మాట్లాడుతున్నామో, ఏమి చదువుతున్నామో, ఏమి
రాస్తున్నామో, ఏమి చూస్తున్నామో, ఇవన్ని ఉద్యమానికి దోహద పడతాయి. రాస్తా
రోకోలు, ధర్నాలు, నిరాహార దీక్షలు, అసెంబ్లీ ముట్టడీలు.. ఇవే కాదు కాదా
మన ఉద్యమం లో భాగాలూ. మన పోరాటం అన్నిటిలో.
ఒక పది మందిలో ఒకనికన్నా వాని ఉనికిని, ఉద్యమానికి వాడు తోడ్పడే ఆలోచనను
రేకెత్తించ గలిగితే అది కూడా ఉద్యమ భాగమే. చదువు ఆపేసిన ఒక తమ్మున్ని,
చెల్లెలిని చదువుకోమని ప్రేరేపించడం, ఉద్యోగం చెయ్యలేకో, రాకో, చేసే
సామర్థ్యం లేకనో ఉన్న వాళ్ళను ఇంకా వేరే ఉపాది మీద ద్రుష్టి పెట్టేలా
ఆలోచింప జేసినా ఉద్యమ భాగమే. ఉద్యోగం చెయ్యగలిగిన అర్హత కలిగినా, అవకాశం
దొరకని వాళ్ళకు నీకు తెలిసిన చోట ఉద్యోగం ఇప్పియ్యడం లేదా, ఆ ఉద్యోగానికి
తోడ్పడే సహాయం చెయ్యడం కూడా మన తెలంగాణ తమ్ముల చెల్లెళ్ళ జీవితానికి ఒక
దారి చూపిన వాడివి అవుతావు. ఆ దారే దొరకక మన పెద్దలు చెయ్యలేదు.
చదువుకుని ఏదో విదంగా నీ జీవితానికి దారి చూపుకున్న వాడివి, ఇంకో మనిషి
కి సహాయం చెయ్యడంలో కూడా నీ ఉద్యమ స్పూర్తిని చాటుకొవచ్చు.

ఆలోచించండి... ఇంకేమి చెయ్యగలవో... మన ప్రాంతం మనకు దక్కినా... రేపు
పొద్దున్న ఇలాంటి రాజకీయ నాయకులే మల్ల తయారయితే, ఇలాంటి ప్రభుత్వ
ఆఫీసర్లు మల్ల పుట్టుకొస్తే.. అప్పుడేం చేస్తావు... అప్పుడు మల్ల ఉద్యమం
మొదలు పెడతావ... లేక ఇప్పుడున్న ఉద్యమం తో పాటు వాటిని కూడా సాధ్యమైనంత
వరకు తొలగించుకునేందుకు ప్రయత్నిస్తావా... లేక ముందు మన తెలంగాణ రాని ఆ
తర్వాత అలోచిస్త అంటావా...

ఒక సామాజిక చెడును రూపు మాపనీకే ఈ సమయం ఆ సమయం అంటూ ఏది లేదనుకుంట
నేనైతే. ప్రతి దినం మన చేసే నిత్య కార్యాలలో మన తెలంగాణ రాష్ట్ర సాధనకు,
దాని ఉద్దరణకు ఉపయోగ పడే ఎన్నో పనులు మనకు కనిపియ్యొచ్చు. దయచేసి వాటిని
విస్మరించకండి. నీకు తోచిన మంచి, చేతనైతే ఒక అడుగు ముందుకేసే ప్రయత్నం
చెయ్యండి. ఇదంతా కూడా మన ఉద్యమం లో భాగమే.

జై తెలంగాణ జై జై తెలంగాణ
శ్రీనివాస్ రెడ్డి కొంపల్లి

ఎల్లువ

ఎల్లువ
Source : www.telangana.2freedom.com
చినుకు తాకగ
చిరునగవై,
పుడమి పులకరింత..
చేరిన నేలన
నాల్గు దిక్కులై
కురవగ జల్లింత..
కవిత కదనమై
కారు మబ్బుల నీడలనొదిలి
కడలికేగి
కవనమయ్యింది..
కాని..
కాలం
కుబుసమై
కాళనాగుల ఒడిని వదిలి
కళంకమయి కాలం చేసింది..
నిన్న పాడిన పాటయేదొ,
ఆలంబనై
ఆరాటంగా రోదిస్తుంది..
చప్పున చిన్న చప్పుడేదో
అవిశ్రాంతంగ నసపెడుతుంది

ఎల్లువ

ఎక్కడొ
ఎగసిన అల
అలవాటుగ
అలమటించి
అంతమొందింది..
వసంతం
ఒక్కొక్కటిగ
పూసిన పూలన్నింటిని
హతమారుస్తున్నది..
ఇనుప సంకెళ్ళ
నలిగిన
నలుగురు
రక్తమొడుతున్నరు..
తెగిన గాయాలు
గాథల గాట్లు..
మానక ముండె
కొత్త కోతలు..
కోటి పర్వాలు..

ఎల్లువ

సల్లని సాయంకాలం
అసుర సంధ్యై
అదరగొడుతున్నది..
వడగాల్పులు..
విషమేదో
విధితలపై
విహరిస్తున్నట్టు..
..
తలవంచని
శిరసులన్ని
తెగిపడుతున్నవి..
కారుతున్న రుధిరమే
ఇంధనమై..
కనులు నిప్పు కణికలై..
మాటలు పాటలు
మంటల పాలయి
మసిబారినవి..
ఓదార్పులు
ఓర్వని తలపులు
తగని చెలిములు..
ఉరికోతలు
ఊచకోతలు..
తడి గుడ్డలతో
తెగిపడిన తలలు..
ఊరు వాడ
దినము దిక్కు
మంటలు ..
తెగిన గొంతులు..
రొద పెట్టు
గుడి బడి గంటలు..

ఎల్లువ

చిన్నాభిన్నం
విచిత్రం..
చిధ్రం..
బతుకొక చిదిమిన చిత్రం..
ఎండిన గొంతుల
తెగ్గోసి చూసిన
తడిలేదు..
మండిన కడుపుల
మసితప్ప
మనుగడ లేదు..
ఏడుపులెడారులు..
అస్తమించే
తూరుపు సూరీడులు..
పడిలేషె కెరటాలు..
చైతన్య కిరణాలు..
అగ్గిల కాలే వెచ్చని వర్ణాలు..
నిక్కచ్చిగ పచ్చిగ నిజాలు..
అలుపెరగని
శ్రమ తెలవని పోరాటం..
కసి తగ్గని ఆరాటం..
పడిలేషె ప్రాణమొక కెరటం..
గుది బండల గుండెల
గుప్పెడు ఉబలాటం.

ఎల్లువ

ఇంతింతై
వామనుడు వాడు
చూడగ కొండంతై..
ఉరకల ఉద్యమం..
పదుగుల పొద్దుల
ఎలుగుల ఎల్లువ...
జిలుగుల ఎన్నెల..
మల్లి కురిసెను కొన్ని
స్వాతి చినుకులు..
తడిసిన మొలకల మొదల్లు..
పచ్చిగ తాకెనడుగులు..
పచ్చగ మెరిసెను చిగురులు..
ఒక్కొక్కటిగ
మరొక్కటిగ.. ..
చినుకు చినుకు..
మిణుకు మిణుకు..
పరుగు ఉరక..
కోట్లుగ జతగ..
సవ్వడి చేసెను శంఖారావం..
లెవ్వగ పాడెను సంధ్యారాగం..
రేపటి లోకం..
చీకటి తోలగ..
అడుగున పదమై..

ఎల్లువ

పదమే ప్రళయమై..
జనం ప్రభంజనం..
రణమే నినదం..
పలుకే ప్రవహం..
ఉరుకే ఉద్యమం..
అణువణువు ప్రతి కణం..
తెలంగాణం..
అడుగడుగు ప్రతి గణం..
తెలంగాణం..
గుండెపాడు చివరి గానం..
తెలంగాణం..
రగులుతున్న నిప్పుకణం..
తెలంగాణం..
తిరుగు బాటు ధిక్కార నాదం..
తెలంగాణం..
బిగిసిన కోటి పిడికిళ్ళ ఉక్కు బలం..
తెలంగాణం..
రాలే వడగళ్ళ పోరాట స్వరూపం..
తెలంగాణం..
కన్నీటి కడగళ్ళ రౌద్ర రూపం..
తెలంగాణం..
అమరవీరుల ఆఖరి వందనం
తెలంగాణం..
తెలంగాణ..
తెచ్చేదాకా ..
వచ్చేదాకా..
చూసేదాకా..
తరం తరం నిరంతరం..
శ్రమిస్తాం అహోరాత్రం..
జై తెలంగాణ..
జై జై తెలంగాణ

వీర తెలంగాణం పోరు తెలంగాణం

వీర తెలంగాణం పోరు తెలంగాణం
చల్..స్వయంపాలనకై ఓరుగల్లు కోటల మీద
మా సమ్మక్క సారక్కల మెరుపు తిరుగుబాటు

అహ..కోహినూరు రక్షణ కోసం బ్రిటిషోని
మెడలొంచిన నా 'బోనాల్' లష్కర్ సైన్యం

అరె..అడవి బిడ్డల హక్కుల కోసం రజాకర్లను
కొదమసింహంలా వేటాడిన నా గోండు భీముడు

వాహ..భూమి కొరకు భుక్తి కొరకు నిజాం నాజీలతో
మా తెలంగాణ రైతుల గెరిల్లా సాయుధ పోరాటం

అహ..నాటి దిగ్గజాలైన ఫ్రెంచి పోరగాల్లను మించిన
ధీరులమ్మ నేటి నా ఉస్మానియా కాకతీయ పిల్లలు

చల్..జై తెలంగాణ అంటే జై జై తెలంగాణ అని
ప్రాణమంటే త్రునప్రాయమనే వీర శహీదులు

నాటి మేడారం సమ్మక్క సారక్క గద్దెల సాక్షిగా
నేటి గన్ పార్కు అమర వీరుల స్తూపం గుర్తుగా

శతాబ్దాలకెల్లి తెలంగాణ బిడ్డలది ఒకటే లడాయి
ఆత్మగౌరవమే ధ్యేయం స్వయం పాలనే లక్ష్యం

ఆ లక్ష్యం కోసమే మా తర తరాల ఆరాటం
ఆ తల్లి కొరకే ఈ బిడ్డల రాజీ లేని పోరాటం

ఇదే మా వీర తెలంగాణం పోరు తెలంగాణం
ఆఖరి రక్తపు బొట్టు వరకు జై తెలంగాణ

కోల్పోయిన నిమిషం -అల్లం నారాయణ part-1

కోల్పోయిన నిమిషం
-అల్లం నారాయణ
తెలంగాణ ఉద్యమం విషయంలో ఏదో నిరాశ.. బాధ. ఏమేమో జరుగుతున్నాయి. ప్రజాపథం ఎక్కడో గానీ.. ఎవరూ అడ్డుకుంటలేరు. వందరోజులు ఉపాసమున్న గ్రామాలు కూడా వ్యతిరేకిస్తలేవు. మీటింగ్‌ల మీద మీటింగ్ లు.. ఎవరి జాక్‌ల బలుపు వారు చూయించుకునే పని. అంతం లేని పోరాటం. - ఇదొక ఫ్రెండ్ మెసేజ్

హిందూ ధర్మయుద్ధాన్ని స్మరింపజేస్తూ.. గద, ధనుస్సు, ఖడ్గము చేబూనిన వారు తెలంగాణ ఉద్యమము కారణంగా భీతిల్లిన సెట్లర్లను కలవడానికి.. ధైర్యం చేసెదరు. వాళ్లూ ఇక్కడి పౌరులేనని నచ్చజెప్పెదరు. ఆత్మహత్య చేసుకున్న శ్రీకాంత్‌చారి తండ్రి శ్రీవెంకటాచారి ఈ యాత్రకు ముందు నిలిచెదరు. -మానవతారాయ్ లాంటి విద్యార్థి నాయకులు తల పెట్టిన ఒక యాత్ర గురించి ఇదొక మిత్రుని ఈమెయిల్.

ఈ మెయిల్ ఇంకా కొనసాగింది. ఆత్మహత్యలు, సెట్లర్లు, సహ జీవనం, ప్రత్యేక రాష్ట్రం. ప్రత్యేక రాష్ట్ర ఉద్యమం మరొక్కసారి మరో ఉప ఎన్నికల యుద్ధం స్థాయికి కుదించినాక.. సంబరపడ్తున్న సెట్లర్లు చేసే అవమానాలు మరో కొందరిని ఆత్మహత్యలకు పురికొల్పుతాయా? ఇప్పుడిక సూటిగా.. స్పష్టంగా కొన్ని ప్రశ్నలు అడగవలసి న సమయం రాలేదా? మనమెక్కడికి పోతున్నాం.. దీన్నిట్లా ఎన్నాళ్లు సాగనిద్దాం. ఈఉన్మాదాన్ని దయచేసి ప్రశ్నించండి. - ఇదే మెయిల్‌లో ఆ మిత్రుని ఆవేదన.

అక్షరాలతో ఆడుకునే వృత్తిలో ఉన్న నాకు.. నిజానికి మెయిల్స్ అన్నా.. మెసేజ్‌లన్నా ఒకింత చిరాకు. పరాయి. మమేకం కాలేను. ఈ కాలంతో ఉంటున్నా.. ఈ గాడ్జెట్స్ విషయంలో అవి సరఫరా చేసే సమాచారం విషయంలో నా పరిమితులు నావి. కానీ.. ఈమెయిలూ.. మెసేజూ.. నన్ను కుదిపి కదిపి ఇబ్బంది పెడుతున్నాయి. మనసంత మానేరవుతున్నది. కొన్నాళ్లుగా తెలంగాణ చుట్టూ జరుగుతున్న పరిణామాలు.. జీవితమే తెలంగాణ అనుకున్న వాళ్ల కు, తెలంగాణ తప్ప మరి దారిలేదని.. తెలంగాణ పిచ్చోళ్లు అనిపించుకున్న వాళ్లకు.. జీర్ణం కాని పరిణామాలు.

ఎక్కడికి వెడ్తున్నాం.. మనం. "దుఃఖపు కోటల్లో తమ్ము తాము ఎలా బద్దలు కొట్టుకోవాలో తెలియక విషాద వాకిళ్లలో నిస్త్రాణం గా పడి ఉన్న'' (దాకరపు బాబూరావు కవిత్వం) అమాయక తల్లిదండ్రులకు ఈ నిమిషాన ఎవరు సమాధానం చెప్పుకోవాలి? ఎవరు ఈ పరిస్థితులకు బాధ్యులు? ఆత్మహత్యలో.. బలిదానాలో.. ఎంత ఆవహించిన ఉద్యమ పరిస్థితుల్లో జరుగుతాయో.. అంత దిగజారిన పరిస్థితుల్లో చప్పున చల్లారిపోవడం మీద కలిగే బెంగను కొలువగలిగిన కొలమానమేది? ఉద్యమం ఎక్కడ ఉద్వేగాలని అధిగమించిందో.. ఎక్కడ జనం మనసులను మీటి మేల్కొలిపిందో.. అక్కడే కుట్రలూ ప్రారంభమయ్యాయి.

ఎగిసిపడిన మాటల నాల్కల కొసలు తాకినవారి ఆత్మహత్యలు.. ఇప్పుడవి కేవలం స్మృతి గీతికలేనా?మున్నూటా డెబ్బైమందికి తోడు ..మరో మూడు వందల బలిదానాల అనంతరం చివరికి మిగిలేదేమిటి? మిత్రుడి మెయిల్‌లో ఉద్యమం చివరకు మరో ఉప ఎన్నికల యుద్ధంగా పరిణమించడంపై అంగలార్పు ఉంటే.. ఫ్రెండ్ మెసేజ్‌లో నూరురోజులు ఉపాసమున్న గ్రామాలు సైతం ఉద్యమమార్గాన్ని కొనసాగించకపోవడంపై వేదన ఉంది. జాక్‌లు ఎవరి బలుపు వారు నిరూపించుకునే పలుకుబడి ప్రేరేపిత, అహంప్రేరేపిత, స్వీయప్రయోజన, సంకుచిత వేదికలయినాయన్న తండ్లాట ఉంది.

"తల్లిదండ్రులు పిల్లల ప్రాణతర్పణ ప్రారంభోత్సవ కార్యక్రమాలకు బలవంతపు కరపత్రాలు పంచుతూ''ప్రత్యేక శిబిరాలు నిర్వహిస్తున్న చలనచిత్రం అన్న కవి అంగలార్పూ నల్లని విషాదంలో గూడు కట్టుకున్నట్టే ఉంది. ఎవరి మరణాలివి.. ఎవరి మరణాలివి.. అని సమూహంలో గుమికూడిన అందరు, అన్ని రకాల తెలంగాణవాదులను శవాలు ప్రశ్నిస్తున్న ఒక సందర్భమూ రానే వచ్చింది. ఉద్యమం ఎగిసిపడినప్పటి ఐక్యత, ఏకాత్మ కళ్లముందే నిలువు నిలువునా కరుగుతున్నప్పుడు దిగ్భ్రాంతి పడి చూస్తున్న నిఖార్సయిన ఒక తెలంగాణవాది ఆత్మఘోష ఉంది

కోల్పోయిన నిమిషం -అల్లం నారాయణ part-2

ఎందుకిలా మిగిలేం.. ఎందుకిలా జరిగిందన్న ప్రశ్నలు ఈ సందర్భాన తప్పేమీ కాబోదు. ఉప ఎన్నికల్లోనే కాదు.. చివరికి నాలుగు నెలలు జ్వలించిన గ్రామాలు.. బతుకమ్మలాడిన నాలుగు పానాదులు. బోనమెత్తిన తల్లి.. ధూమ్‌ధామైన పాటగాడు.. ఒక సంరంభం. ఒక కోలాహ లం. ఒక జాతర.. దిగ్గున మేల్కాంచిన తెలంగాణ యాతర. లాఠీలు, బుల్లెట్లు తిన్న యూనివర్సిటీలు. గర్జించిన విద్యార్థులు.. వాళ్లు విస్మృత చరిత్రను.. ఈ కపట కాలంలోనూ.. విస్మృత పోరాట రూపాలను కాగడాల్లా వెలిగించారు. స్వయంప్రకాశిత దివిటీలై.. యువకులు, విద్యార్థులు తెలంగాణను జ్వలింపజేశారు.

తెలంగాణ ప్రజలు మరొక్కసారి చరిత్ర నిండా పరుచుకున్న త్యాగాల పరంపర వెల్లువలా.. పడి లేచిన తరంగంలా నిలిచారు. అలలలలుగా కదిలారు. వాళ్లు గొప్పవాళ్లు. చరిత్రకు ఎదురేగి నిలబడ్డ ఊరేగింపుల సమూహం తెలంగాణ. పాతకథే. నేతలు నిస్సిగ్గుగా బాంచెలయ్యారు. ఎవరి కలుగుల్లో వారు ఎలుకల్లా దూరారు. ఎవ రి బానిస శరీరాల్లోకి మరోసారి వారే దూరారు. పుట్టు బానిసలు. మరో మోసం. మరో దగా. హీన చరిత్ర పునరావృతం. చివరికి లేక్‌వ్యూ గెస్ట్‌హౌస్ సందులో.. ఢిల్లీ శ్రీకృష్ణ కమిటీ కార్యాలయం వరండాలో తాకట్టుపడింది తెలంగాణ.

లెక్క లు.. పత్రాలు.. విజ్ఞాపనలు.. విన్నపాలు వేనవేల కవిలికట్టె ల మందలో ఇరుక్కున్న తెలంగాణ ఆత్మఘోష. సరే.. రాజకీయ నేతల తోలు మందం. మరి ఉద్యమం ఏమయినట్టు? తెలంగాణకు ఒక విశ్వాసాన్నిచ్చిన సబ్బండ వర్ణాల సమ్మేళనాలు.. చరిత్ర కలిగిన ఉద్ధండపిండాలయిన ఉద్యమకారులు ఏమవుతున్నట్టు. రాజకీయం నిస్సిగ్గుగా తెలంగాణను మరోసారి బలివితర్ది మీద నిలబెట్టి ఉండవచ్చు. బానిసకొక బానిసకొక బానిసలయిన వారు.. మళ్లీ రాజకీయ ప్రయోజనాల, ప్రలోభాల, పటాటోపాలలోకి దిగజారి ఉండవచ్చు.

కానీ ప్రజలకు జవాబుదారీగా ఉండే ఉద్యమ జాక్‌లెందుకు? ఇన్ని రకాలు గా, ఇన్ని విధాలుగా.. చీలికలుగా.. పేలికలుగా.. ఎవరు చెబుతారు సమాధానం? తెలంగాణ సాధక సమస్యలో సిద్ధాంత విభేదాలు ఏవీ లేవు. అది భౌగోళికమా? సామాజికమా? ప్రజాస్వామికమా? ఏ తెలంగాణ కావాలి.. పురాచర్చ. ఫుజూ ల్ చర్చ. ఏదో ఒక తెలంగాణ.. ముందు మాకు తెలంగాణ కావాలని అంగీకరించినవాళ్లే.. ఎజెండాలు లేవు. జెండాలు లేవు. ఒకే ఒక్క తెలంగాణ అని అంగీకరించిన వాళ్లే ఎందుకిలా ఎవరికి వారుగా తయారయ్యారు.

జాక్‌లను సమన్వయ పరిచే జాక్‌ల సమన్వయ సమితులు మరిన్ని ఎందుకు పుట్టాయి. ఈ ప్రశ్నలకు ఎవరు జవాబు చెబుతారు. అందరికీ తెలంగాణ కావాలి. కానీ.. 'జాక్' వేరుగా ఉండాలి.. అందరి కీ తెలంగాణే కావాలి.. కానీ ఆయన మాటే చెల్లాలి.. అందరి కీ తెలంగాణ కావాలి.. కానీ ఆయనే సమ్వయకర్త కావాలి.. గొట్టాల ముందర ప్రగల్భాలు పలుకుతున్న నోళ్లు. మైకులు బద్ధలు కొడ్తున్న వాగ్ధాటి. ఎవరి గుండంలో వారే దుంకుతున్న.. గుడుగుడు గుంచం.. ఎందుకిలా?

కోల్పోయిన నిమిషం ,అల్లం నారాయణ part-3

విద్యార్థులూ చీలారు. జాక్‌లూ చీలి మళ్లీ నిర్మితమయ్యా యి. ఊరు బతికే ఉంది. ఉపాసం ఉంటూనే ఉంది. పల్లె బతికే ఉంది. అది తెలంగాణ పదం పాడుతూనే ఉంది. చిరంజీవి... తెలంగాణ వస్తే మావోయిస్టులు రాజ్యానికి వస్తారని భయపెట్టి తెలంగాణను అవమానిస్తూనే ఉన్నాడు. కొత్తగా కామ్రేడ్ రాఘవులు తెలంగాణ వస్తే మత కల్లోలాలు చెలరేగుతాయని మార్క్సిస్టు-లెనినిస్టు సరికొత్త సిద్ధాంతాన్ని కనిపెట్టారు. కమ్యూనిస్టు పోరాట యోధులను చాకలి ఐలమ్మ, బందగీ, దొడ్డి కొమురయ్యల స్మృతినీ అవమానించాడు.

ఒకరు తెలంగాణలో నూటికి 80 శాతం మంది సమైక్యాంధ్ర కోరుతున్నారంటారు. మరొకరు తెలంగాణ సస్యశ్యామల అన్నపూర్ణ అంటారు. మిత్రుని మెయిల్ సూచించినట్టే అవమానాల భారం అవని అంత పెరుగుతున్నది. కానీ 'జాక్'లు ఎందుకు చీలాయో? ప్రజలకు చెప్పుకోవాల్సిన బాధ్యత మిగిలే ఉంది. తీహార్ జైలు నుంచి ఈ మధ్య కోబాడ్ గాంధీ ఆయన సహచరురాలు అనూరాధ గురించి రాస్తూ అధికారం-ఒక చిన్న అధికారం కూడా అవినీతికి, పతనానికి దారి తీస్తున్న చోట, అహం, స్వప్రయోజనా లు, నాయకత్వం, పేరు ప్రతిష్టల కోసం ఆరాట పడుతూ ఉద్యమాలను నీరుకారుస్తున్న చోట అనూరాధ ఈ చెద అంటకుండా బతికారని కీర్తించారు.

ఈ తెలంగాణ ఉద్యమానికీ అదే చెద .....ఈ కపట కాలపు అగడ్తలయిన వ్యక్తి కేంద్రక బలహీనతలను అధిగమించకుండా తెలంగాణ ఉద్యమకారులు.. ఇక్కడి ప్రజలకు నాయకత్వం వహించలేరు. తెలంగాణ ప్రజ లు గొప్పవాళ్లు... వాళ్లకు నాయకత్వం వహించే వాళ్లే........ఈ ఖాళీని చరిత్ర పూరిస్తుంది.

పోరు చరిత - By Krishna Vamshi Allam

నాలుక్కొట్లామంది ఉయ్యాలొ,
నక్షలైట్లు అనె ఉయ్యాల!

నాదు స్వతంత్ర్యపోరాతం ఉయ్యాలొ,
నక్షలైట్లె చెశిన్ల? ఉయ్యాల!

మా బతుకు మాకంటె ఉయ్యాలొ,
తప్పెందుకయ్యింది? ఉయ్యాల!

కొలిమంటుకున్నంక ఉయ్యాలొ,
కమిటీలు యెశిన్లు ఉయ్యాల!

కమిటీల పేరున ఉయ్యాలొ,
కాలరాశె చూపు ఉయ్యాల!

అరచేతి అడ్డుతో ఉయ్యాలొ,
సూరీడు ఆగునా? ఉయ్యాల!

ఒక్కొక్క కణమెల్లా ఉయ్యాలొ,
రణభేరి మ్రోగిస్తం ఉయ్యాల!

తల్లడిల్లిన తల్లి ఉయ్యాలొ,
కన్నీళ్ళు తుడుస్తం ఉయ్యాల!

నిలువెల్ల మాకండ్ల ఉయ్యాలొ,
తెలంగాణ సూస్కుంటం ఉయ్యాల…..

జై తెలంగాణ! జై జై తెలంగాణ!!
-అల్లం క్రిష్ణ వంశీ

[మొన్న 2009 యేడాది చివరలో తెలంగాణ ఉద్యమం ఉగ్రరూపం దాల్చినప్పటి నుండి తెలంగాణలొ ఇవ్వాల్టి (మార్చి 10,2010) వరకు జరిగిన పరిణామాలను గూర్చి చెప్పాలని చేసిన చిన్న ప్రయత్నం ఈ పాట.... ఉయ్యాల పాటలు తెలియని తెలంగాణొల్లు ఉండరన్నది వాస్తవం, మా తెలంగాణ బిడ్డలందరికి ఈ పాట అంకితం

పోరు చరిత - By Krishna Vamshi Allam

ఎండిన చేలల్ల ఉయ్యాలొ,
తుమ్మలు మొల్శెను ఉయ్యాల!

తాగునీల్లు లేక ఉయ్యాలొ,
ఫ్లోరోసిస్ రోగము ఉయ్యాల!

అన్నదమ్ములమైతె ఉయ్యాలొ,
ఒక్కోలే లేమేంది? ఉయ్యాల!

బొగ్గుబాయిల నేను ఉయ్యాలొ,
బెంజికారుల నువ్వు ఉయ్యాల!

దుబాయి వలసలు ఉయ్యాలొ,
ఎన్నెన్ని తిప్పలు! ఉయ్యాల!

మా కొలువుల్ల నువ్వు ఉయ్యాలొ,
కులికేటి దొంగవు ఉయ్యాల!

ఒకనెంట ఒకడచ్చి ఉయ్యాలొ,
ఒదిగినారిక్కడే ఉయ్యాల!

బతుక వలుస మాది ఉయ్యాలొ,
వలసొచ్చి నువు బలిసె ఉయ్యాల!

మాయలు మంత్రాలు ఉయ్యాలొ,
రియలేస్టేటు దందాలు ఉయ్యాల!

ఏకులోలెవచ్చి ఉయ్యాలొ,
మేకులై కూసుండే ఉయ్యాల!

గులాము నేనైతె ఉయ్యాలొ,
దొరబాబు నువ్వైతివి ఉయ్యాల!

నా భాష,యాసలు ఉయ్యాలొ,
ఎగతాళి నీకాయే ఉయ్యాల!

అక్కవే నువ్వైతే ఉయ్యాలొ,
నక్కబుద్ధులేల ఉయ్యాల!

బలిదానాలీడ ఉయ్యాలొ,
బలుపు పోరులాడ ఉయ్యాల!

లాఠిదెబ్బలీడ ఉయ్యాలొ,
లాబీయింగు లాడ! ఉయ్యాల!

నువ్వు-నేను ఇద్దరు ఉయ్యాలొ,
ఖచ్చితంగా వేరు ఉయ్యాల!

తూటాలు తిన్నోన్ని ఉయ్యాలొ,
తెలంగాణోన్ని నేను ఉయ్యాల!

ఓట్ల బిచ్చపోడు ఉయ్యాలొ,
మా నోట్ల మన్నేశే ఉయ్యాల!

పాణాలు పోతున్న ఉయ్యాలొ,
పదవీకె అతికీరి ఉయ్యాల!

మంటల్ల మండిన ఉయ్యాలొ,
మాటముచ్చటలేదు ఉయ్యాల!

ప్రజాబంధువులు ఉయ్యాలొ,
రాబందులనిపించే ఉయ్యాల!

పోరు చరిత - By Krishna Vamshi Allam

యూనివర్సిటిలల్ల ఉయ్యాలొ,
ఉద్యమించే బిడ్డలు ఉయ్యాల!

ఉద్యమాల సదువులు ఉయ్యాలొ,
ఉగ్గుపాల బట్టె ఉయ్యాల!

ప్రశ్నించే దిక్కులు ఉయ్యాలొ,
గర్జించే సింహాలు ఉయ్యాల!

హక్కులు కోరితె ఉయ్యాలొ,
మక్కలిరగతన్నె ఉయ్యాల!

కొవ్వొత్తి బట్టిన ఉయ్యాలొ,
కేసులు బెట్టిరి ఉయ్యాల!

లాఠీ చార్జిలల్ల ఉయ్యాలొ,
నెత్తుర్లు పారేను ఉయ్యాల!

చిందిన నెత్తురు ఉయ్యాలొ,
పారేను పల్లెల్లొ ఉయ్యాల!

దిక్కులన్నికూడి ఉయ్యాలొ,
ఉక్కుపిడికిలై లేచె ఉయ్యాల!

చినుకులన్నీ కూడి ఉయ్యాలొ,
తుఫాను పుట్టింది ఉయ్యాల!

చిన్నోల్ల పెద్దోల్ల ఉయ్యాలొ,
చేతులన్నీ కలిసె ఉయ్యాల!

పొడిసేటి పొద్దుల్లొ ఉయ్యాలొ,
పొరుబాటన సాగె ఉయ్యాల!

బువ్వబందులు చేసి ఉయ్యాలొ,
భూమికొసం పోరె ఉయ్యాల!

బందులు చేసిరి ఉయ్యాలొ,
బలిదానలిచ్చిరి ఉయ్యాల!

పోరు చరిత By Krishna Vamshi Allam

పోరు చరిత - By Krishna Vamshi Allam,[ Must Read ]
జై తెలంగాణాని ఉయ్యాలొ,
బతుకు పోరుజెయ్య ఉయ్యల!

మానీళ్ళు మాకోసం ఉయ్యాలొ,
మాపోరుసాగంగ ఉయ్యాల!

యాభయ్యేండ్లసంది ఉయ్యాలొ,
అణుచుకుంటిమి బాధ ఉయ్యాలొ!

మా జాగ మాకేనని ఉయ్యాలొ,
జంగు సైరనూదినాము ఉయ్యాల!

ఇన్నేండ్ల తండ్లాట ఉయ్యాలొ,
తెలంగాణ రావలే ఉయ్యాల!

యూనివర్సిటిలల్ల ఉయ్యాలొ,
ఉద్యమించే బిడ్డలు ఉయ్యాల!

ఉద్యమాల సదువులు ఉయ్యాలొ,
ఉగ్గుపాల బట్టె ఉయ్యాల!

ప్రశ్నించే దిక్కులు ఉయ్యాలొ,
గర్జించే సింహాలు ఉయ్యాల!

హక్కులు కోరితె ఉయ్యాలొ,
మక్కలిరగతన్నె ఉయ్యాల!

కొవ్వొత్తి బట్టిన ఉయ్యాలొ,
కేసులు బెట్టిరి ఉయ్యాల!

లాఠీ చార్జిలల్ల ఉయ్యాలొ,
నెత్తుర్లు పారేను ఉయ్యాల!

చిందిన నెత్తురు ఉయ్యాలొ,
పారేను పల్లెల్లొ ఉయ్యాల!

దిక్కులన్నికూడి ఉయ్యాలొ,
ఉక్కుపిడికిలై లేచె ఉయ్యాల!

చినుకులన్నీ కూడి ఉయ్యాలొ,
తుఫాను పుట్టింది ఉయ్యాల!

చిన్నోల్ల పెద్దోల్ల ఉయ్యాలొ,
చేతులన్నీ కలిసె ఉయ్యాల!

పొడిసేటి పొద్దుల్లొ ఉయ్యాలొ,
పొరుబాటన సాగె ఉయ్యాల!

బువ్వబందులు చేసి ఉయ్యాలొ,
భూమికొసం పోరె ఉయ్యాల!

బందులు చేసిరి ఉయ్యాలొ,
బలిదానలిచ్చిరి ఉయ్యాల!

నినదించి జనమంత ఉయ్యాలొ,
నిరహర దీక్షలు ఉయ్యాల!

గొంతులో పొలికేకలు ఉయ్యాలొ.
యుద్ద నాదములాయే ఉయ్యాల!

ఆత్మా గౌరవము ఉయ్యాలొ,
మేముగోరినాము ఉయ్యాల!

న్యాయపోరాటము ఉయ్యాలొ,
నిప్పుల్ల మండింది ఉయ్యాల!

కాసోజు శ్రీకాంతు ఉయ్యాలొ,
మండేటి సూర్యుడు ఉయ్యాల!

నిలువెల్లా మంటల్ల ఉయ్యాలొ,
నినాదమిడవలే ఉయ్యాల!

బలిదానలెన్నున ఉయ్యాలొ,
బతుకులు మారలె ఉయ్యాల!

మాకొలువు మాకంటే ఉయ్యాలొ,
మమ్ముల కొట్టిరి ఉయ్యాల!

మా అవ్వే తెలంగాణా”...- అల్లం వీరయ్య.

మా అవ్వే తెలంగాణా”...- అల్లం వీరయ్య.

“మా అవ్వే తెలంగాణా”
కొండకోనల వెండివెలుగుల
గిరుల సిరులు పైరునగలు
మొగులునంటిన కరుణమూర్తి
ముక్కోటీబిడ్డల కలలధాత్రి
మా అవ్వ గదరా తెలంగాణా
మా బువ్వ గదరా తెలంగాణా..
కోట్లగొంతులు కలిసిపాడిన
ప్రత్యేక రాష్ట్రము కలలకోన
“మా అవ్వ”

గుట్టమీద చెట్టు కొమ్మన
గువ్వ పాడిన పాట పల్లవి
వాననిచ్చే కారుమబ్బులు
ఒరిసిమెరిసిన మెరుపు తల్లిది
గోదారిక్రుష్ణ నదుల మధ్యన
పరుచుకున్న పంటచేనుర
గుండెనిండిన మాట తానై
గోరుముద్దలు కొసిరిపెట్టే..
“మా అవ్వ”

పాలకంకుల జొన్న చేలు
తెలంగాణ తల్లి కరములమరు
తల్లిబిడ్డను ఎత్తినట్లుగ
మక్కపీసు తలను నిమురు
తామరాకులు కలువపూల
చెరువుదొరువులు నీటిసంపద
నా తల్లికేమి తక్కువాయెర
తలనువంచి మొక్కవేమిర
“మా అవ్వ”

కోస్తనుండి చుట్టరికము
కలుపుకొచ్చిరి మోసగాళ్ళు
సీమనుండి దిగిరి కొందరు
చింతలప్పుడె మొదలుకదరా
మద్రాసునిడిచిన శని ఇపుడు
మనల గట్టిగ పట్టుకున్నది
మాయమాటల మూటలల్లి
కొలువునెలువులు దోచినారు
నీటివనరులు మలిపినారు
నిండమనలను ముంచినారు
పావలర్ధకు భూమి దోచి
చేలు చెలుకలు చేతబట్టిరి
మనకంటిలొ మన ఏలుపెట్టీ
వాడునింగికి ఎదిగినాడు
చెరనుబట్టిరి తెలంగాణ తల్లిని
అనాధలైతిమీ నేలమీద..
“మా అవ్వ”

తెలుగు తల్లి అమ్మగాదు
మము పెంచిపెద్ద చెయ్యలేదు
గామె మాకు అవ్వ అయితె
నల్లగొండ నాగమల్లి
గామె మాకు అవ్వే అయితె
పాలమూరూ పాలవెల్లి
మెదకు జిల్లా బతుకుమారు
వరంగల్లు వెతలుతీరు
కరువుకాటకములు రెండు
కలిసినమిలి మింగె గదరా
ఎటూ చూసిన ఎడారేను
ఎటు పారెను జీవనదులు
మా పాలివానికిది పాలవెల్లి
పగవానిదె ఆ తెలుగు తల్లి..
“మా అవ్వ”

తల్లి చెరను బాప బిడ్డల
తండ్లాట యేబదేండ్లది
అమరులైన బిడ్డల కొరకు
తల్లి శోకము యేబదేండ్లది
గుండెపగిలి తల్లడిల్లిన
పేరు పేరున పిలిచి తలిచే
“మా అవ్వ”
రావణా సమ్హారమునకు
రణము ఒకటే మిగిలినట్టు
చావొ రేవో తేలెదాక
పోరాటమొక్కటె మార్గమున్నది
తెలంగాణ విముక్తి కొరకు
రండీరన్న లెండిరన్నా
కదం కదము కలిపి నడిచి
కదనరంగమున దుముకుదామూ….

మా అవ్వ గదరా తెలంగాణా
మా బువ్వ గదరా తెలంగాణా…..
-- అల్లం వీరయ్య

నరం నరం ఒకే స్వరం ,సమరమే ఇక మా పథం

నరం నరం ఒకే స్వరం ,సమరమే ఇక మా పథం .
తెలంగాణా...
ఓ తెగిన వీణ!
నిప్పుకణికల రుద్ర వీణ !

శ్వాస శ్వాస ఉప్పెనై ,లక్షమే ఇక ప్రాణమై ,
చేయి చేయి పిడికిలై ,పౌరుషం పది ఇంతలై ,
కన్ను కన్ను ఎర్రనై ,గుండెమంటే జ్వాలయై ,
నరం నరం ఒకే స్వరం ,సమరమే ఇక మా పథం .

మదపుటేనుగు మంకుపట్టు ,వచ్చితీరుతా నని మిడిసిపాటు ,
యువరాజా వారికి తేలినట్టు ,దేశం ఎపుడో స్వేఛ్చ పొందినట్టు .
సింహం జూలు తో ఓదార్పు ఆట ,కాలుదువ్వితే ఇక కనువిప్పే బాట ,
పొలిమేర నుండే పొలికేక ,ఓరుగల్లున మోగింది సమరఢంకా .

రాయి,రాయి ఒక శాసనం,సమైక్య వాదం పై సమాధి మండపం,
పోరు దారిన వీర మరణం, తల్లి తెలంగాణకి రక్త తిలకం,
రుద్రమ గడ్డ మీద రౌడీ కోట,తరిమికోడుతడి ఇక తెలంగాణ ప్రతి పూట,
తెలంగాణ ఓ తెగిన వీణ! నీవు మా కోటి వజ్రాల విజయ వీణ.